اغنية الفات زمان كامله

كلمات الأستاذ : تاج السر عبدالقادر

الحان وآداء الفنان : خوجلى هاشم

الكنت قايله فات زمان رجعته بطعم الغنا..

احلام صباي والذكريات هومت  بىّ بالدندنه..

اتارى فى جواي نغم هنا القليب بيدق هنا..

ناسى الزمان إتغيروا  لكنى ماإتغيرت انا.. 

الكنت قايله فات زمان..

احلام صباي الليله جات تسأل علي ملهوفه  كيف..؟ 

اجمل صور عبر الخيال مرسومه فى خطوطها الحروف..

ياوجعة القلب اليتيم.. حسرة القلب الرهيف.. 

ياحليلها طلات الصباح طى العوينات الشفيفَ.. 

الكنت قايله فات زمان..

موعود معاك زمن الشجون شوق الحنين.. لوعة حزين.. 

مكتومه فى اعماقى انا محبوسه فى دموع العيون..

لمتين وراك سفر الشقا قولي لمتين يكون..؟

قولى لىّ متين..؟

كأنى مديون للفرح ادفع سنين من عمرى دين..

الكنت قايله فات زمان..

اغنية عشان خاطر عيون كامله

كلمات الأستاذ : عبدالوهاب هلاوي

الحان وآداء الفنان : زيدان إبراهيم

عشان خاطر عيون حلوين بشوف في رموشها ليل ونهار..

ولهفه تشيل مشاعرنا تقصر للخُطي المشوار..

نجيكم نحنا مشتاقين فراشات تسأل النوّار..

وخضرة قولنا عند اللقيا ياالسمحين تجف تحتار..

اغلطوا إنتوا يااحباب نجيكم نحن بالأعذار..

عشان خايفين تسيبونا عشان خايفين نعيش في ودار..

حزين قلباً بزوروا الحب ياريته لو مازار..

اغلطوا إنتوا ياالحلوين نجيكم نحن بالاعذار..

شلنا الريده يااحباب يباس ايامنا شلنا خضار..

إنتوا املنا إنتوا اهلنا في غربتنا إنتوا الدار..

وشراع الريد بعيد عدي ويتحدي الزمن لو جار..

اغنية بريدك كامله

 كلمات الأستاذ : تاج السر عبّاس

الحان وآداء الفنان : خوجلى عثمان

كتير بتناسي إيديّ واسيبها عنيه فوق إيدك..

وادي عيونك احلى كلام تعيد بيه يوم عيدك..

وكل القصه لو عارفه انا الزول الصحي بريدك..

بريدك.. 

حكاية الريده بيناتنا حنينه بجيبها ليك غناي..

زي ماقالوا ليك رياد حكايتي بطالبها الهداي..

وحاتك وإنتي بجنبي بحسك إنتي في جواي..

جمال ماخد شموخ بلدي وسحاب ليه الزرع رجاي..

بريدك..

ويوم بالصدفه نتقابل ويبادرك من عيوني سؤال..

تعملي إنتي زي ناسيه ويداعب خاطري حسن الفأل..

تمد إيديها يارب لي تفوت تنساني لا.. لا محال..

تهمس ليك كلام الريد غناوي تفرِّح الأطفال..

بريدك..

كتير بتناسي إيديّ واسيبها عنيه فوق إيدك..

وادي عيونك احلى كلام تعيد بيه يوم عيدك..

وكل القصه لو عارفه انا الزول الصحي بريدك..

بريدك.. 



اغنية مابقدر ابوح كامله

كلمات الأستاذ : النعمان على الله

الحان الموسيقار : عبد اللطيف خضر (ود الحاوى)

آداء الفنان : ابراهيم عوض

مابقدر ابوح انا ماداير اصرّح..

يمكن قول يروح ويمكن قول يجرّح..

يمكن شي يفوح والناس مابترّيح..

مابقدر اقول انا الزول داك سباني..

والشوق كان رسول حرك لي جناني..

اخاف الناس تقول وتقول عن حناني..

ولا يوم يزول وين القاه تاني..

مابقدر ابوح انا ماداير اصرّح..

يمكن قول يروح ويمكن قول يجرّح..

يمكن شي يفوح والناس مابترّيح..

مابصرح يوم بإسمه مابقول للناس جميل..

اخشى إنه يجيبوا سيرته فى حياته بكلمتين..

بعت العمر عشان حياته وباقي العمر عليّ دين..

مابقدر ابوح انا ماداير اصرّح..

يمكن قول يروح ويمكن قول يجرّح..

يمكن شي يفوح والناس مابترّيح..

حنانك حبيبي وين حنانك..؟ 

حنانك ياحبيبي الروح عشانك..

سيب الجفا سيبه ارحم كفى.. 

انا قلبي داب من العذاب..

وطول عمري ضاع مع السراب..

مابقدر ابوح انا ماداير اصرّح..

يمكن قول يروح ويمكن قول يجرّح..

يمكن شي يفوح والناس مابترّيح..

اغنية انا والاشواق كامله

كلمات الأستاذ : السر دوليب

الحان وآداء الفنان : محمد ميرغنى 

انا والاشواق فى بعدك.. 

بقينا اكتر من قرايب..

مابنغيب عن بعض ابدا.. 

زى اعز اتنين حبايب..

انا والاشواق..

وكنت فاكر الشوق يغيب..

لحظه واحده عن فؤادى..

ومع الزمن إتلاشى وجدى..

قلبى يسلاك فى بعادى..

وشوقى قال لى مستحيل..

مره يتحقق مرادى..

ولازمنى زى خلى الوفى..

واصبح حبيبى الما بعادى..

اى لحظه بعيده عنك.. 

وضايعه من ايام زمانى..

وكل يوم كان لى فى قربك..

اتمنى لو احياه تانى..

وروحى لو غنيتها ليك.. 

مابتصور مااعانى..

وشوقى ابلغ من غنايا.. 

وحبى اسمى من المعانى..

انا والاشواق..

كم رساله ياحبيبى بسطرها..

اشكى ليك بالبعد ياناسينى..

واحلي كلمه منى ليك بضمنها..

وباقه من شوقى وحنيني..

بين حروفها اشوف خيالك..

وإنت تتبسم لعينى.. 

وقبل مااختم سلامى..

بتمنى لو ردك يجينى..

انا والاشواق..

اغنية كنوز محبه كامله

كلمات الأستاذ  : بشير عبد الماجد

الحان وآداء الفنان : زيدان ابراهيم

لما تشتاق للمشاعر تملي دنياك بعبيرها..

لما تشتاق للعواطف تنسجم تلبس حريرها.. 

وابقي اسأل عن قلوبنا تلقي فيها كنوز محبه.. 

وتلقي فيها بحور حنان وتلقي فيها الشوق يغني.. 

تلقي فيها الريده فارده جناحها تشتاق للربيع..

لما تقسو عليك ليالي الوحده والليل يبقي ليل..

والنجوم تلمع بعيد تسخر من السهران وحيد..

برضو اسأل عن قلوبنا تلقي فيها كنوز محبه.. 

وتلقى فيها بحور حنان تلقى فيها الشوق يغني.. 

تلقى فيها الريده فارده جناحها تشتاق للربيع..

إنت مابرضك حبيبنا..

والحنان الفي قلوبنا اصله نابع من عيونك..

والمحبه الفيها لو ماإنت ماكانت محبه..

وكل اشواقنا ومشاعرنا واحساسينا النبيله..

انت مااهديتها لينا..

كيف تضيع احلي مااهديت ياغالي..!؟

اغنية المستحيل كامله

كلمات الأستاذ : إسماعيل حسن

الحان وآداء الفنان : محمد وردي 

لو بإيدي كنت طوعت الليالي

لو بإيدي كنت زللت المحال 

والاماني الدايره في دنياي ما كانت محال

دي الإراده ونحنا مابنقدر نجـابه المستحيل

دي الإراده والمقدر مابنجيب ليه بديل 

دي الإراده اجبرتني في هواكم من قبيل 

غـصباً عني وغـصباً عنك  انت حبيتني وهويتك

لو بايدنا مـن زمـــان كنت خليتني ونسيتك

والنهايه انت عارف وانا عارف لو بإيدي كان هديتك 

أصله حبي أقوى وأكبر من إرادتي

وانا حاسس في جحيم نارك سعادتي

واللهيب البكوي في روحي فـي ذاتي هو إنت

قلبي دايرك حبي عارفك في شبابك في صباك 

في جمالك في وفاك في شبابك في وفاك

ياالمسير وماك مخير انت ياالصابر عند الله جزاك

اغنية كلام للحلوه كامله

كلمات الأستاذ : هاشم صديق

الحان وآداء الموسيقار : محمد الامين

لما شُفتِك..

ليلِى ضَّو وبَقَّ نور

ونرجس الجنه المفرهد

رفّ بجنحَات عطور

وغنَّى فارسِك

خَتَّ صورتِك فى الإطار

فى الليالى نَجِم يِلالى

ونسمه فى وهج النهار

وقال فى وَصفِك لما بنتى

أحلى مِنِّك برضُه إنتِى

ومافى غيرِك زول معانا

حتى كان يالسمحه غِبتى

ومَرّه جَالَن الف خَاطِر

بعيون عقلى المسَاهر

فجأه عينيكِ الحبيبه

قالوا سارح وين مِسَافِر..!؟

عِشتَ قولِن شيل وصَفقَه

وقُلت بس ياريتنى ابقى

همسه فى حُلم الأميره

أو سَبَايب فى الضفيره

أو عِقيد فى تِبرِ جيدها

أو قليب فى راحة ايدها

يازمان أسمعنى واكتب :

البَرِيدها وريدها سِيدى

وريدِى سِيدَها

الزمان لوحتى بالغ

ماأظِن فى زول يعيدها

ياحَلاتِك..

مره همسه..

ومره نَسمَه..

ومره هَلّت نَجْمه غابت

ومره صَحْوَة غمزه نامت

ومره ضحكه تَرَضِّى شوقنا

ومره كلمه تضِّوى فوقنا

ولمّا نسرح فيكِ قَادلَه

زى ملايكه علينا نازله

وبَس نغنى :

ياحلاتكُم ياأهَلنَا

يامصابيحنا ونجومنا

الضّاويَه فى واحات زَمَننَّا

اغنية بعد الصبر كامله

كلمات الأستاذ : على المك

الحان وآداء الفنان : عثمان حسين

ليه..؟

ليه..؟

ليه تقول ايامنا راحت وانتهينا..؟

ياحبيبى والله كانت ديك سحابه..

لو حصل فى العمر مره وافترقنا..

هى غلطه ونحنا نتحمل عذابها..

ياحبيبي..

كنت عايش كل ايامك محنه..

وانا بحرق كل عمري فى الصبابه..

ياحبيبى ليه حياتنا ماتبقى جنه..

ننسى ظلم الدنيا نأخد من شبابها..

نبعد الشك من قلوبنا والمظنّه..

نمشى فى درب الامانى المستطابه..

لستُ ادرى هل عذابى ام عذابك كان اكثر..

وحين شقّ الدهر بيننا والفراق المرّ اجبر..

غير انى كنت ادرى ان حبى كان اكبر..

فلماذا كنت تخشى انت ماضى المسير..

ياحبيبي..

كل واحد ليه فى تاريخه ماضى..

اى ماضى وليهُ ذكرى حب قديمه..

وانت عارف لما إخترتك حبيبى..

كان فى قلبى جرح يندى بالهزيمه..

لكن إنت صرت اغلى حب عندى..

وكنت راضى معاى بظروفى الاليمه..

وكنت راضى بالشقى البتبع خطاى..

والمآسى المرّه فى طفولتى اليتيمه..

ليه..؟

ليه..؟

ليه مانصبر ونتحمل ياحبيبى..؟

بكره نلقى الدنيا بخيرها ونعيمها..

ليه..؟

ليه..؟

ليه تقول ايامنا راحت وانتهينا..؟

ياحبيبى والله كانت ديك سحابه..

لو حصل فى العمر مره وإفترقنا..

هى غلطه ونحنا نتحمل عذابها..

اغنية طائر الاحلام كامله

كلمات الدكتور : معتصم الإزيرق

الحان وآداء الموسيقار : محمد الامين

يامنىً اهدى إلى المهجة انفاساً وعُمرا.. 

احرقت دنياك فى دنيايا انغاماً وسحرا.. 

وتذوقت غراماً منك مشبوشاً ومرا.. 

ياهذاراً رائع الطلعة فتاناً اغرا.. 

فجّر الالحان فى قلبى إعلاناً وسرا.. 

ياصباحاً فتّق الآمال فى الخاطرِ زهرا.. 

ونديً يطلق اشواقاً ويغرورق عطرا.. 

ياجناحاً طوّق الاضلاعَ افراحاً وبشرا..

ياشراعاً اوصل الزروق للشاطئ فجرا.. 

ماالذى اهديه إلا صوب اضلاعيّ شعرا.. 

وإفتتاني وإندفاق اغاريدى خمرا.. 

قد تنعمتُ عطاءاً منك جراراً قويا..

وحنواً هدهد الآلآم رفرافاً نديّا..

ياعيوناً كاالينابيع شروداً وإبتساما.. 

نبعت فى حقل ايامى ربيعاً وسلاما..

وقواماً كالاهازيجِ تسنى وتساما.. 

وإنسياب الشعر مرأي بيدرٍ صلي وناما..  

ياعيوناً كالغناء العذبِِ فى دفء العشيّا.. 

ياعيوناً مثل صبح العيد فى الدار الحفيّا..

ذانت الفرحة فى قربك اعراساً من الضوءِ.. 

وكان الشعرُ طفلاً غسقيا.. 

فتبناهُ المغنى وحباهُ من بريق النغم الوهاج كالبلور فيّا..

ورعي الازهار فى كلتا يديه ثم ضاع الطفل يارباهُ من بين يديّا.. 

فتلهفت عليه ومضي الزورق فى الملاح جيلا كان كالإعصار والبحر عتيّا.. 

هكذا دارت بنا الايام ياطائر احلامى الزغاليل وياطلق المحيا..

اغنية حكمه والله وحكايه كامله

كلمات الأستاذ : عبدالرحمن الريح

الحان وآداء الفنان : احمد الجابرى

مشاركة الآداء الفنان : محمد زمراوى

حد يشعر بالسعاده ويمشى يختار البعاد..

حكمه والله وحكايه تشغل اذهان العباد..

ناس بتتعذب وحيده وناس بتنعم بالوداد..

قبل ماتشوفك عيونى بيك سعدت وقلبى راد..

نظره فى مرآة خدودك احلى من صدق الميعاد..

ياجمال ياعاطفه صادقه إنت بتحب العناد..

ولابتحاول بدلك تشغل الروح والفؤاد..

احكى لي.. 

احكى لي.. 

احكى لي.. قصة غرامك كيف بديت حبك زمان..

كيف بديت.. 

كيف بديت..

كيف بديت.. فى الحب كلامك ياينابيع الحنان..

كنت بتبادل المحبه..؟ 

ولابتعاند الاحبه..؟  

مقصدك انبل مراد..

ناس بتنعم بالموده وليها مجد الحب يعود..

ناس تحاول ليها مده ومالقت غير الصدود..

حكمه والله وحكايه ادهشتنى من البدايه..

كيف تكون بكره النهايه لو عنادك شفتهُ زاد..

اغنية وعد النوّار كامله

كلمات الأستاذ : إسحاق الحلنقى

الحان وآداء الموسيقار : محمد الامين

ياريت من اول وريتنا إنك يمكن تتأخر يوم..

كان غايتهُ إطمنا شويه وبحرك ياليل ماطفنا نجوم..

بيقولوا الغائب عذره معاهُ وفي غيابك يامانشيل اللوم..

مرت لحظات وكمان ساعات طالت وحياتك منتظرين..

لو وشوش صوت الريح في الباب يسبقنا الشوق قبل العينين..

ونعاين الشارع نلقاهُ تائه في دموع المغلوبين..

العيد الجاب الناس لينا ماجابك يعني نسيتنا خلاص..

مع إنك إنت خليتنا نغني الحب ذكرى وإخلاص..

صبحت دمعتنا وسادتنا وكده حاول اعرف لينا خلاص..

شال النوّار ضلَل بيتنا من بهجة وعدك وماجيتنا..

وفضلنا وحاتك منتظرين شوف وين روحتنا وديتنا..

اغنية الجرح الابيض كامله

كلمات الأستاذ : محجوب سراج

الحان الأستاذ : السني الضوي

آداء الفنان : صلاح بن الباديه

انا لو نعيم الدنيا عندِك احرمیني او جحیم الآخره ملكك عذبيني..

انا ياضناي ياوهجَ اشواقي الحبيسه جُرحي اصبح مابسيل لو تجرحيني..

لو شقاي لو حالي سراك للعذاب إيه جابني لولاك..

ريدتي كانت عرشُ وافلاك ليك هجرتهُ وقصدت دنياك..

لاني قادر تاني ارجع ولامشاعرِك راضيه تسمع دي الحياه غيرك صحارَي والسعاده محرمه  معاك وانيني..

كان امل كان امنيات حبي ليك وغدرتي بيهُ..

كان شبابي انا غالي عمري وياما كُنت بخاف عليهُ..

ليه تنسي نارهُ وتطفي نورهُ ومن حنانك تحرميهُ..

لكن حصل حتي الامل راح وإندثر.. 

يوم قلبِك الخداع نكر إخلاصي واشواقي وحنيني..

في الماضي حسيتِك نغم يتمشي في القلب الحزين.. 

والليله لاقيتك عدم كأني فارقتك سنين..

بين يوم ويوم خفّ الالم وإحساسي بجرحي إنعدم..

وصداكِ اصبح يانغم احزان عميقه بتعتريني..

اغنية خاطرك الغالى كامله

كلمات الأستاذ : عوض أحمد خليفه

الحان وآداء الفنان : عثمان حسين

دائماً اطيّب خاطرك الغالي واسامحك لو نسيت..

ودّعت من يهواك وقلبه في دربك مهما نأيت.. 

كم مره حاول يفرّق بينا حاسد او عزول.. 

كم مره قالوا جنيت عليّ بدلت ضوء ايامي ليل..

لكني يانور العذاب انا ما بضيِع حبي قول..

تلقانى دائماً في رجاك وغنايّ في حبك رسول..

اسأل عليك الليل ونجمه حتي انوار الصباح..

وكل طائر في سماهُ في شريعته الحب مباح..

اسأل مشاعرك عن هوانا وليه حنانك ليّ راح.. 

خليتني في غاية الالم آمالي تذروها الرياح..

حيران اسائل نفسى إيه كان السبب اصل الخصام..؟

يمكن اكون في حقك إتلومت في ساعة ملام..

لكن ده مامعقول يكون انا قلبى ليك حفَظ الغرام..

مااظنه من عرف الهوي يعرف عداوه مع السلام..

اغنية احبك كامله

كلمات الأستاذ : حسين بازرعه

الحان وآداء الفنان : عثمان حسين

احبك بحبك ومالانهايه..

واغنيك حنيني شوقي وهوايا..

لأنك حبيبي وغاية رجايا..

كتير في بعادك دهتني الليالي..

اغالب دموعي واكابد ملالي..

طريقي المنوّر خلاص اضحى خالي..

تعال ياحبيبي صدودك كفايه..

زرعنا المحنه رويناها شوقنا..

وعايشين نأمل تقوم ترمي فوقنا..

نسير في ضراها نسير لشروقنا..

نتوج حياتنا بأسعد نهايه..

منامي المسهد يحل لعيونك..

وشوقي المعذب يناشد حنينك..

تحكم شعورك وترحم سجينك..

فؤادي البحبك مالانهايه..

احبك بحبك ومالانهايه..

واغنيك حنينى وشوقى وهوايا..

لأنك حبيبى وغاية رجايا..

اغنية تذكار عزيز كامله

كلمات الأستاذ : مصطفى عبدالرحيم

الحان الموسيقار : عبداللطيف خضر (ود الحاوى)

آداء الفنان : إبراهيم عوض

جرحي الأليم الشايله تذكار طول حياتي اسى وهموم.. 

جرحي الدفين العذبك ياقلبي طول عمرك انين.. 

داريته في الاعماق سنين 

غنيته للعشاق حنين شكوى وشجون 

غنيته اصدق اغنيات واصبح مجرد ذكريات 

وين الصلات وين الشموع الفي دروبنا منورات 

وبقت هموم..

تذكار عزيز ياقلبى شايله اسى وهموم..

اصله القلوب الهايمه تعبد في الجمال.. 

بتضيع سنينها الحلوه فى الريد إبتهال.. 

ولهانه تحلم بالوصال مسكينه تحلم بالمحال.. 

لمتين بتبني قصور رمال كفايه ياقلبي الجمال.. 

خلاك تذوب شكوى وسهر.. 

ودر شباب عمرك هدر.. 

شال النضار الكان مفرّهد ومزدهر.. 

خلا الشجي وخلا اليباب.. 

الكل ثانيه بعيشه لحظات من سراب.. 

احسه في روحي إغتراب.. 

احسه شوق وشقى وعذاب.. 

نار في الضلوع وجرح اليم..

تذكار عزيز ياقلبى شايله اسى وهموم..

اغنية رمز الفن كامله

كلمات والحان الأستاذ : محمد عوض الكريم القرشي 

آداء الفنان : عثمان الشفيع

مشاركة الآداء الفنانه : شموس إبراهيم

تعال يارمز الفن ياسيدي.. 

فيك نظمت الدُّر نشيدي.. 

تعال ياحبيب..

تعال..

تعال بيك الآمال جديده.. 

تعال اللحظه معاك سعيده.. 

تعال ياحبيب..

تعال..

اوريك فنوني ياوحيها ووعودي.. 

اوريك شجوني مرسوله لعيوني.. 

تعال انا ليك في قلبي ريده.. 

معذبه تشتاق لوحيده.. 

تعال ياحبيب..

تعال آآهـ..

تعال يارمز الفن ياسيدي.. 

فيك نظمت الدُّر نشيدي.. 

تعال ياحبيب..

تعال..

حذاري تألمني حذاري.. 

كتير يااليك ماطاب مزاري..

تعال ياحبيب..

تعال..

بخليك لانك ما ارواني دنك.. 

واقول ليك هجرتك.. 

وتكفى الذكرى عنك.. 

انا الفي هواى عفيف وبائن.. 

يُصح تعذيبي وإحتقاري.. 

كتير ده.. 

كتير آآهـ ..

تعال يارمز الفن ياسيدي.. 

فيك نظمت الدُّر نشيدي.. 

تعال ياحبيب..

تعال..

هبّ الحبيب جانى وحباني بلطفه.. 

قال لي كنت عنيف انا حبى بتعرفه..

ماقصدت اهوى براك.. 

شوفوه ياظرفه.. 

تعال يااخلاق الملائكه.. 

ودنيا الحب اسلاكها شائكه.. 

تعال ياحبيب..

تعال آآهـ..

تعال يارمز الفن ياسيدي.. 

فيك نظمت الدُّر نشيدي.. 

تعال ياحبيب..

تعال..

ترنم نغماتك واسبح في آهاتك.. 

وغني البلابل منتظره صيحاتك.. 

اعزف ليك بعودي يارمز الفن بذاتك.. 

انا وإنت الاحلام نعيدها.. 

وروحي ياروحي الليله عيدها.. 

تعال ياحبيب..

تعال آآهـ..

تعال يارمز الفن ياسيدي.. 

فيك نظمت الدُّر نشيدي.. 

تعال ياحبيب..

تعال..