اغنية الحُب والظروف كامله

كلمات الأستاذ : فضل الله محمد

الحان وآداء الموسيقار : محمد الأمين

قلنا ماممكن تسافر نحنا حالفين بالمشاعر.. 

لسه ماصدقنا إنك بجلالك جيتنا زائر..

السفر ملحُوق لازم إنت تجبر للخواطر..

الغريبه الساعه جنبك تبدو اقصر من دقيقه..

والدقيقه وإنت مافى مرّه مابنقدر نطيقها..

دنيا فى قربك يفرهد كل طائر يحيا فوقها..

وجنه من بعدك يذبل كل مخضّر فيها ناضر..

قلنا ماممكن تسافر..

لو تسافر دون رضانا بنشقى نحنا الدهر كلهُ.. 

مابنذوق فى الدنيا متعه وكل زول غيرك نملهُ..

اقل حاجه تخلى سفرك حتى لو اسبوع اقلهُ..

وإنت عارف نحنا بعدك للصباح دائماً نساهر..  

قلنا ماممكن تسافر..

لأ لأ مابنقبل نسيبك تمشى للوحده وتعانى..

برضو مابنقدر نقاوم شوقنا من بعدك ثوانى.. 

ومابنغنى وراك كلمه ومابنشوف البهجه تانى.. 

غايتهُ لو شفقان علينا مااظنك يوم تسافر..

قلنا ماممكن تسافر..