اغنية يخلق من الشبه اربعبن كامله

كلمات والحان وآداء الفنان : الطيب عبدالله

لقيته واقف منتظر تشتاق عيوني لطلعته..

نفس الملامح والشبه والمشيه ذاتها وقدلته..

اللفته والتوب والقوام اوصاف حبيبي وروعته..

تاريه ياقلبي الحنين راجيها بشوق السنين..

ياربي واقف من متين.؟ 

لكنه آآهـ يخلق من الشبه اربعين..

من كم سنه..؟ لا هو عارف ولا انا..

سايبني في بحر إنتظار ماعدى في ليله الهنا..

واعدني بلحظات شجون تشتاقها كل الامكنه..

انا في مسار الشوق لقيت ميعاده فرهد وانتنى..

ياالله جيت قبل الميعاد ولا الزمن غفلني زاد..

قصة يغيب مااظن تكون ومااظن تدور يوم في إعتقاد..

جاييه من مشوار بعيد كايس عليه بلاد بلاد..

مرساله لي دايماً بقول ارجاه في نفس الميعاد..

انا ديمه يااجمل ميعاد راجيه انت علي مطول..

امشي واكوس في كل بيت واسأل صحابه وكل زول..

ويقولوا ليّ هنا هسّا كان عنك بيسأل وليك بقول..

ارجاه في نفس الميعاد مااظنه تاني عليك يطول..