اغنية غاية الآمال كامله

كلمات الأستاذ : عوض أحمد خليفه

الحان الموسيقار : عبداللطيف خضر (ود الحاوى)

آداء الفنان : إبراهيم عوض

ياغاية الآمال لو دعاك الشوق..

ماكان جفيتنا زمان وإنت الحنان والذوق..

في عالم الاشواق لو مره عشت معايا..

في بلهفة العشاق حسيت معانى هوايا..

كان ياجميل حنيت ورددت لحن غناي..

وسقيتني كأس الريد وعادت ليالي هناي..

وريني ليه بتخاف..؟ تكتُم عواطفك ليه..؟

حبك مع الايام من قلبي ليك بحكيه..

تبخل علي بلقاك وعطفك دوام راجيه..

وعطفك امل قدرته عشت السنين راجيه..

ياغاية الآمال لو دعاك الشوق..

ماكان جفيتنا زمان وانت الحنان والـذوق..

عارفك..

انا عارفك..

وعارفك وديع ورزين اجمل ملاك فى الكون..

وعارف عفافك فطره لكن حنانك وين..؟

ومابصح وإنت قـريب يكويني جمر البين..

مادام قلوبنا إتلاقت وارواحنا قالت زين..