اغنية ماسلامك كامله

كلمات الأستاذ : عزمى أحمد خليل

الحان الموسيقار : عبداللطيف خضر (ود الحاوى)

آداء الفنان : مجذوب اونسه

ورجينا بعد الفرقه نسأل جينا نلقي محنه عندك..

نحكي ليك عن ليل شقانا وعن متاهات نجمه بعدك..

نحنا سالمناك بطيبه وياما بكي عيوننا ردك..

ليه زمان اديتنا ريده جيت حرمتنا تاني ودك..

وقلبنا الجرّحت خاطره برضو ماقادر ملامك..

ماسلامك..  

ده ماسلامك..

ولا الكلام الكان زمان هسه كلامك.. 

برضو يعني نويت تسيبنا.. 

إنت برضو ياحبيبنا.. 

في الخريف تحرم غمامك..

كنا قايلين بورانا تبقي زينا طاري ديمه..

كنا قايلين نحنا عندك في عيونك لينا قيمه..

قلنا تترجانا إنت زي زهور تحضن نسيمها..

إلا ريدك تاري روّح عدي فات زي كل غيمه..

جينا ليك بإبتسامه إلا مالقينا إبتسامك..

جينا شايلين ليك فرحنا كان عشمنا تزيده حبه..

تطرا ناس فاقدين عيونك وراك ماخلوا غربه..

قلنا ننسي تعب سفرنا لليالي معاك احبَّ..

جينا مالقينا في عيونك ذكري ساكت للمحبه..

شلنا شوقنا رجعنا بيه وماندمنا علي سلامك..