اغنية إمتهان كامله

كلمات الأستاذ : دسوقى محمد خير

الحان وآداء الفنان : زيدان إبراهيم

ليه ترضى إمتهاني وتختار من صحابي..

وتتناسي الاماني وإشراقات شبابي..

انا عارف مشاعرى بتعمل ليك سعادتى..

وإخلاصك لغيرى مابهدم حياتي..

بكره تشوف مصيرى وتسمع عن حكايتى..

وتغير من سرورى وتجازيك إرادتى..

شوف عينيك بتوحى بتفسر شقاها..

غصباً عن دلالها بتغيّر صفاها..

وظنك بدموعك من كترة بكاها..

تندب كل لحظه مرت من هناها..

كان حقك تقدر مستقبلنا يزهر..

ونقطف من رياضه زهرة عمر اخضر..

ترفل فى سعدنا ونفرح بيها اكتر..

مين يعرف ظروفه لما يعيش ويكبر..

لو حسّت مشاعرك وحنت للبدايه..

ماتخت فى ضميرك وتتذكر هوايا..

انا حبك بعزه فى زمانه وكفايه..

كان تأخد بخاطرى وتستنى النهايه..

ليه ترضى إمتهاني وتختار من صحابي..

وتتناسي الاماني وإشراقات شبابى..