اغنية لو كنت ناكر للهوى زيك كامله

كلمات الأستاذ : عوض أحمد خليفه

الحان وآداء الفنان : ابوعركى البخيت

لو كُنت ناكِر للهوي زيك كُنت غفرت ليك.. 

كل العذاب العِشتهُ فى حُبك وكُنت حبيت عليك..

لكنى عايش للهوي وكُل يوم بترجي فيك..

ورينى كيف اغفر وإنت شقاي سببتهُ بإيديك..

حاولت اخدع نفسي ياظالم واجرُف حبى ليك..

حاولت امنع نفسى منك وتانى ماامشى واجيك..

ورحلت عنك وعن دياري وهـدمت كُل امل لديك..

وبرضي ماقادر اسيبك لما انساك بشتهيك..

مع كل دفقاتى الحنينه وكل دمعة شوق سجينه..

تهاتي بيك روحى الحزينه واشقى لما تهاتى بيك..

ورينى كيف اغفر وانت اضعت كل آمالى فيك..

ماكنت قايل انا يوم بلاقى الحب ولا بكشف دروبهُ..

ولا قلبى من شدة إباهُ بتقـدر الاشواق تذيبهُ..

لكن غرامك حبه حبه صالينى بنارهُ ولهيبهُ..

وتركت قـلبى ياحبيبى تانى كيف منك اجيبهُ..

وإنت ياناكر غرامهُ قلبى مابتسمع كلامهُ..

ودون سبب يرضيك خصامهُ ولوعة العُشاق تصيبهُ..

تنسانى ياظالم وقـلبى معاك مفتكرك حبيبهُ..

لو كنت ناكر للهوي زيك كنت غفرت ليك.. 

كل العذاب العشته فى حبك وكنت حبيت عليك..

لكنى عايش للهوي وكل يوم بترجي فيك..

ورينى كيف اغفر وإنت شقاي سببته بإيديك..