اغنية عشان خاطر عيون كامله

كلمات الأستاذ : عبدالوهاب هلاوي

الحان وآداء الفنان : زيدان إبراهيم

عشان خاطر عيون حلوين بشوف في رموشها ليل ونهار..

ولهفه تشيل مشاعرنا تقصر للخُطي المشوار..

نجيكم نحنا مشتاقين فراشات تسأل النوّار..

وخضرة قولنا عند اللقيا ياالسمحين تجف تحتار..

اغلطوا إنتوا يااحباب نجيكم نحن بالأعذار..

عشان خايفين تسيبونا عشان خايفين نعيش في ودار..

حزين قلباً بزوروا الحب ياريته لو مازار..

اغلطوا إنتوا ياالحلوين نجيكم نحن بالاعذار..

شلنا الريده يااحباب يباس ايامنا شلنا خضار..

إنتوا املنا إنتوا اهلنا في غربتنا إنتوا الدار..

وشراع الريد بعيد عدي ويتحدي الزمن لو جار..